सुशीला कार्कीलाई सरकार प्रमुख र प्रतिनिधिसभा विघटन गर्न सहमति

काठमाडौं । प्रतिनिधिसभा विघटन गरि पूर्वप्रधानन्यायाधीश  सुशीला कार्कीलाई बेलुकासम्म सरकार प्रमुख बनाउने सहमति जुटेको छ ।

शुक्रबार दिनभर भएको छलफलपछि आन्दोलनरत जेन-जी युवाहरूको मागअनुरूप यस्तो सहमति जुटेको हो ।

राष्ट्रपतिका सल्लाहकार किरण पोखरेलका अनुसार शपथ बेलुका ९ बजे हुनेछ । नेपाली राजनीतिक इतिहासमा कार्की पहिलो महिला प्रधानमन्त्री बन्नेछिन् । 

शीतलनिवासमा प्रतिनिधिसभा विघटन निर्णयको मस्यौदा, पूर्वप्रधानन्यायाधीश कार्कीलाई प्रधानमन्त्री नियुक्त गर्ने नियुक्तिपत्रको मस्यौदा गर्ने लगायतका काम भइरहेको बताइएको छ ।

जेनजी पुस्ताको आन्दोलन रापतापमा एकाएक सत्ता बदलिने परिस्थिति बनेको हो ।