अफ्रिकामा कोरोनाबाट नेपाली डाक्टरको मृत्यु

दक्षिण अफ्रिकाको इस्ट लन्डनमा कार्यरत ७० वर्षीय नेपाली चिकित्सकको कोरोनाका कारण मृत्यु भएको छ ।

कोरोना संक्रमित डा. नारद पाण्डेको बिहीबार राति निधन भएको हो । अफ्रिकामा कोरोना बाट मृत्य हुने उनी चौथो नेपाली हुन् ।

मृतक पाण्डेको आजै दाह संस्कार गरिएको  छ । स्याङ्जा जिल्लाको बीर्घा घर भएका पाण्डे सन् ८० को दशकमा अफ्रिका पुग्ने दोश्रो नेपाली डाक्टर हुन् ।

एनआरएनएका पूर्व कोषाध्यक्ष हिक्मत थापाले स्व. पाण्डेको निधनप्रति दु:ख व्यक्त गर्दै सामाजिक संजालमार्फत श्रद्धाञ्जली अर्पण गरेका छन् । उनकी छोरी पनि अफ्रिकामा चिकित्सा पेशामा संलग्न रहेको थापाले जानकारी दिए । दक्षिण अफ्रिकामा चार दर्जनभन्दा बढी नेपाली डाक्टर कार्यरत छन् ।