वरिष्ठ कलाकार सुनिल थापाको निधन

काठमाडौँ । नेपाली र भारतीय चलचित्र उद्योगका स्थापित व्यक्तित्व एवं वरिष्ठ कलाकार सुनिल थापाको निधन भएको छ। हृदयाघातका कारण आज बिहान काठमाडौँको थापाथलीस्थित नर्भिक अस्पतालमा उपचारका क्रममा उनको निधन भएको हो।

नेपाल चलचित्र कलाकार संघका अध्यक्ष मोहन निरौलाले थापाको निधन भएको पुष्टि गर्दै नेपाली कला क्षेत्रले एउटा अपूरणीय क्षति व्यहोर्नुपरेको बताए ।

‘राते काइँला’ को उपनामले समेत चर्चित थापाले दशकौँ लामो आफ्नो फिल्मी करियरमा सयौँ नेपाली र बलिउड चलचित्रहरूमा अविस्मरणीय भूमिका निर्वाह गरेका छन् ।