गोर्खा वेल्फेयर ट्रष्टले नेपालमा बनाइदियो विद्यालय

झापा, ५ भदौ–गोर्खा वेल्फेयर ट्रष्ट नेपालको रु. दुई करोड ४३ लाख बढीको सहयोगमा झापाको मेचीनगर नगरपालिका वडा नं. १२ मा सरस्वती माध्यमिक विद्यालयको १६ कोठे भवन निर्माण भएको छ ।

मेचीनगर नगरपालिकाका प्रमुख बिमल आचार्यले कोरोनाको कहरमै भए पनि बिहीबार एक समारोहबीच भवनको उद्घाटन गरे ।

उद्घाटनसँगै ट्रष्टले विद्यालयलाई भवन हस्तान्तरण गरेको छ ।

भवनमा ट्रष्टको रु. दुई करोड १७ लाख ३ हजार ३३७ र समुदायको सहभागिताबाट रु. २६ लाख ६७ हजार २०० गरी कूल रु. दुई करोड ४३ लाख ७० हजार ५३७ लगानी भएको विद्यालय सञ्चालक समितिका अध्यक्ष सूर्यप्रकाश सापकोटाले बताए ।

भवनमा १६ कोठा र २ तला रहेको ट्रष्टका नेपाल प्रतिनिधि मोहन शर्माले बताए ।