प्रधानमन्त्री कार्कीले राष्ट्रपतिबाट लिइन् शपथ

काठमाडौं । नवनियुक्त प्रधानमन्त्री सुशीला कार्कीले राष्ट्रपति रामचन्द्र पौडेलबाट शपथ ग्रहण गरेकी छिन् ।

शीतल निवासमा शुक्रबार राती आयोजित विशेष समारोहमा कार्कीले शपथ लिएकी हुन् ।

शपथ ग्रहण समारोहमा उपराष्ट्रपति, प्रधानन्यायाधीश, नेपाल सरकारका उच्च पदस्थ अधिकृत, सुरक्षा निकायका प्रमुख, नेपालस्थित कूटनीतिक नियोगका प्रतिनिधि लगायत उपस्थित थिए ।

पूर्व प्रधानन्यायाधिश कार्की जेनजी आन्दोलनको बलमा संविधानको धारा ६१ को उपधारा ३ र ४ मा अन्तर्निहित राष्ट्रध्यक्षको अधिकार प्रयोग गरी प्रधानमन्त्रीमा नियुक्त भएकी हुन् । उनी नेपालको इतिहासमा पहिलो महिला प्रधानमन्त्री बनेकी छन् ।