जेन जी प्रदर्शनमा मृत्यु हुनेको संख्या १९ पुग्यो, देशभर ४२२ घाइते (अपडेट)

काठमाडौं– नेपालमा भएको जेन जी प्रदर्शनमा मृत्यु हुनेको संख्या १९ पुगेको छ । स्वास्थ्य मन्त्रालयका अनुसार देशभर ४२२ जना घाइते छन्।

घाइतेमध्ये धेरैको अवस्था गम्भीर छ। प्रदर्शनमा प्रहरीको गोली प्रयोगले ठूलो मानवीय क्षति हुँदा मानव अधिकार समूहहरूले अनुसन्धान गर्न माग गरेका छन्।

प्रदर्शन सोमबार काठमाडौंको संसद भवन नजिकै सुरु भएको थियो जहाँ प्रहरीले प्रदर्शनकारीमाथि अश्रु ग्यास, पानीको फोहरा, रबर गोली र जीवित गोली प्रयोग गरेका थिए ।

प्रदर्शन सरकारले लगाएको सामाजिक सञ्जाल प्रतिबन्ध र भ्रष्टाचार विरुद्ध केन्द्रित थियो । गृहमन्त्री रमेश लेखकले घटनाको जिम्मेवारी लिंदै राजीनामा दिएका छन् ।

जेनजी पुस्ताले सोमबार गरेको प्रदर्शनले हिंसात्मक रुप लिएपछि १५ दिनभित्र प्रतिवेदन बुझाउने गरि सरकारले घट्नाबारे छानविन गर्न समिति गठन गरेको छ ।