बुधबार, साउन ९, २०८१
08:12 | १२:५७

रुसमाथि थप प्रतिबन्ध लगाउने युरोपेली आयोगको प्रस्ताव

रासस–एएनआई डिसेम्बर ८, २०२२

युरोपियन कमिसनकी अध्यक्ष उर्सुला भोन डेर लेयन । तस्बिर एपी

ब्रसेल्स, २२ मङ्सिर–युरोपेली आयोगले बुधवार युक्रेन आक्रमणलाई लिएर रुस विरुद्ध थप प्रतिबन्धको नवौं प्याकेज प्रस्ताव गरेको छ।

युरोपेली आयोग अध्यक्ष उर्सुला भोन डर लेयनले सो प्रस्ताव घोषणा गर्दै थप प्रतिबन्धले रुसमा दबाब बढाउने बताएकी छन् ।

‘रूसले युक्रेनमा मृत्यु र विनाशको शृङ्खला जारी राखेको छ। यसले जाडो यामको शुरुमा युक्रेनलाई ऊर्जाविहीन बनाउँने उद्देश्यले नागरिक पूर्वाधारलाई जानाजानी निशाना बनाएको छ। हामी युक्रेनको पक्षमा उभिरहेका छौं र हामी रूसलाई यसको क्रूरताको लागि जवाफ दिदैछौँ’, उर्सुला भोन डरले बताइन् ।

युरोपेली आयोगले रुसी सशस्त्र बल, रक्षा औद्योगिक कम्पनी सहित २०० थप व्यक्ति र संस्थाविरुद्ध प्रतिबन्ध लगाउने प्रस्ताव गरेको छ ।

प्रतिक्रियाहरू

सम्बन्धित सामग्रीहरू