शनिबार, माघ १४, २०७९
23:28 | ०५:१३

रुसद्वारा युक्रेन वार्ताका लागि बाइडेनको शर्त अस्वीकार

रासस–एएनआई डिसेम्बर २, २०२२

फ्रान्सेली राष्ट्रपति इमानुएल म्याक्रोनको भ्रमणका क्रममा राष्ट्रपति बाइडेन बायां । तस्बिर एएफपी

मस्को, १६ मङ्सिर–क्रेमलिनले शुक्रबार अमेरिकी राष्ट्रपति जो बाइडेनले रूसी राष्ट्रपति भ्लादिमिर पुटिनसँग युक्रेन वार्ताका लागि राखेका शर्तहरू अस्वीकार गरेको छ।

‘राष्ट्रपति बाइडेनले पुटिनले युक्रेन छोडेपछि मात्र वार्ता सम्भव छ’, भन्ने आशय राखेर अगाडि सारेका शर्त रुसका लागि स्वीकार्य नरहेको क्रेमलिनका प्रवक्ता दिमित्री पेस्कोभले पत्रकारहरूलाई बताएका छन् ।

फ्रान्सेली राष्ट्रपति इमानुएल म्याक्रोनको भ्रमणका क्रममा राष्ट्रपति बाइडेनले बिहीबार रुसले वास्तवमै युद्ध अन्त्य गर्न चाहेको भए आफू वार्ता गर्न इच्छुक रहेको बताएका थिए ।
‘यस युद्धको अन्त्यका लागि एउटा तरिका छ- तर्कसंगत तरिका । त्यो के हो भने रुस युक्रेनबाट बाहिरिने हो’- राष्ट्रपति बाइडेनले उल्लेख गरेका छन् ।

पुटिनका प्रवक्ता दिमित्री पेस्कोभले शुक्रबार पत्रकारहरूलाई भने कि क्रेमलिन कब्जा गरिएको युक्रेनी क्षेत्रहरू छोड्न तयार छैन तर ‘हाम्रो लक्ष्यहरू प्राप्त गर्न वार्ताका लागि खुला छ’, मस्को टाइम्सले रिपोर्ट गरेको छ।

पेस्कोभले अगाडि भने, ‘संयुक्त राज्यले अझै पनि नयाँ क्षेत्रहरूलाई रूसी संघको हिस्साको रूपमा मान्यता दिँदैन।’

“निस्सन्देह यसले सम्भावित छलफलका लागि केही प्रकारको पारस्परिक आधारहरूको खोजीलाई महत्त्वपूर्ण रूपमा जटिल बनाउँछ,“ उनले थपेका छन् ।
बाइडेनले आफ्ना नेटो सहयोगीहरूसँग परामर्श गरेपछि ‘पुटिनसँग बसेर उनको दिमागमा के छ भनेर हेर्न पाउँदा खुसी हुने’ बताएका छन्।

फ्रान्सेली राष्ट्रपति इमानुएल म्याक्रोनसँगको संयुक्त पत्रकार सम्मेलनमा उनले भने, ‘यदि वास्तवमा उनी युद्ध अन्त्य गर्ने उपाय खोज्दैछन् भन्ने निर्णय गर्ने रुचि छ भने म पुटिनसँग कुरा गर्न तयार छु।’

‘उनले अहिलेसम्म त्यस्तो गरेका छैनन्। म्याक्रोनले वाशिङ्गटनको भ्रमण पछि पुटिनसँग फेरि कुरा गर्ने बताएका छन्’, मस्को टाइम्सले रिपोर्ट गरेको छ।

बाइडेन र म्याक्रोन दुबैले रुस विरुद्धको लडाईंमा युक्रेनलाई दीर्घकालीन सहयोग गर्ने वाचा गरेका थिए।

प्रतिक्रियाहरू

सम्बन्धित सामग्रीहरू