कोरोनाबाट ज्यान गुमाउनेको संख्या ४० लाख ८२ हजार नाघ्यो

बेइजिङ-कोरोना शुरु भएयता हालसम्म विश्वभर यस सङ्क्रमणबाट ज्यान गुमाउनेको संख्या ४० लाख ८२ हजार नाघेको छ । जोन्स हप्किन्स विश्वविद्यालयले दिएको पछिल्लो विवरणअनुसार विश्वभर ४० लाख ८२ हजार ३४९ जनाको मृत्यु भएको छ ।

विश्वभर कूल सङ्क्रमितको संख्या १८ करोड ९९ लाख ९८ हजार ९५७ छ । कोरोनाबाट अत्यन्त प्रभावित देशमा संयुक्त राज्य अमेरिका, भारत, ब्राजिल,  फ्रान्स, बेलायत, अर्जेन्टिना, कोलोम्बिया, इटाली, स्पेन, जर्मनी, इरान, पोल्याण्ड, इन्डोनेसिया, मेक्सिको, युक्रेन, दक्षिण अफ्रिका, पेरु, नेदरल्याण्ड लगायत छन् ।