नेपालीमुलका दिवेश बने अमेरिकन आइडलको उपविजेता

अमेरिका–नेपाली मुलका २२ वर्षीय दिवेश पोखरेल अर्थात् ‘आर्थर गन’ विश्व चर्चित गायन रियालिटी शो अमेरिकन आइडलमा दोस्रो बन्न सफल भएका  छन् ।

टप फाइभमा पुगेका पोखरेल फाइनल प्रतिस्पर्धापछि भोटिङका आधारमा उत्कृष्ट दुई जनामा छनोट भएका हुन् ।

उपविजेता पोखरेल काठमाडौंको एस कलेज इन्स्टिच्युटमा व्यवस्थापनमा प्लस टु उत्तीर्ण  गरेर सन् २०१४ देखि अमेरिकाको कान्सासमा बस्दै आएका छन् ।

काठमान्डौ कलंकी निवासी दिवेशले  सन् २०१९ को जनवरीमा नेपालमा आफ्नो ‘ग्रहण’ एल्बमको लोकार्पण गरेका  थिए । उनको अर्को एल्बम ‘खोज’ पनि सार्वजनिक भइसकेको छ ।

२१ वर्षकी जस्ट साम अमेरिकन आइडलको १८ औं सिजनकी विजेता बनेकी छन् । दिवेशसँगै उत्कृष्ट ५ मा फ्रान्सिस्को मार्टिन, डिलन जेम्स, जस्ट स्याम र जोनी वेस्ट पुगेका थिए ।