शुक्रबार, माघ ९, २०७७
20:53 | ०२:३८

फुटबलको एकै म्याचमा ५ खेलाडी परिवर्तन गर्न पाइने

नेपाली लिङ्क मे ९, २०२०

लन्डन । कोरोना महामारीको कारण अहिले फुटबल खेलहरु अवरुद्ध छन्  । तर, अब महामारीपछि सुचारु हुने खेललाई ध्यानमा राख्दै केही नियम परिवर्तन गरिएको छ ।  

‘फेडेरेसन अफ इन्टरनेसनल फुटबल एशोसिएसन’ (फिफा) को सिफारिसमा ‘इन्टरनेशनल फुटबल एशोसिएसन बोर्ड’ (आईएफएबी) ले नयाँ नियम ल्याएको हो ।  

नयाँ नियमले एकै म्याचमा ५ जनासम्म खेलाडी परिवर्तन गर्न पाइने भएको छ । खेलाडीहरुको सुरक्षा र टीमहरुको सुविधाको लागि यो नियम बनेको बताइएको  छ ।  

महामारीका कारण रोकिएका म्याच सुचारु भएलगत्तै यो नियम लागू हुनेछ ।  

अहिले रोकिएका प्रिमियर लिग र च्याम्पियन लिगका म्याचहरु पनि अब सुचारु हुँदा यो नियमअनुसार नै खेलाइनेछन् ।  

अस्थायी रुपमा ल्याइएको यो नियम यही वर्षको अन्त्यसम्मका लागि लागू हुने र त्यसपछि  ‘रिभ्यू’ गरिने फिफाले जनाएको छ ।  

प्रतिक्रियाहरू

सम्बन्धित सामग्रीहरू