शुक्रबार, चैत १६, २०८०
07:30 | १३:१५

नेपालमा कोरोना जित्ने १ सय १२, सोमबार मात्रै २५ जना डिस्चार्ज

नेपाली लिङ्क मे २५, २०२०

सोमबार नारायणी अस्पतालबाट ‘डिस्चार्ज’ हुँदै निको भएका संक्रमितहरु

काठमाडौं । नेपालमा कारोना संक्रमणबाट निको भएर थप २५ जना घर फर्किएका छन् ।

सोमबार ‘डिस्चार्ज’ भएका २५ जनासँगै हालसम्म संक्रमण निको भएर घर फर्कनेको संख्या १ सय १२ पुगेको छ ।

स्वास्थ्य तथा जनसंख्या मन्त्रालयका डा विकास देवकोटाका अनुसार नारायणी अस्पताल वीरगञ्जमा उपचार गराइरहेका १८ जना डिस्चार्ज भई घर फर्किएका छन् ।

उनीहरुमा चार महिने शिशुदेखि ६६ वर्षीय पुरुषसम्म छन् । डिस्चार्ज हुनुअघि उनीहरु औसतमा नौ देखि १० दिन अस्पतालमा रहेको बताइएको छ ।

यसैगरी, पाटन स्वास्थ्य तथा विज्ञान प्रतिष्ठान, ललितपुरमा उपचार गराइरहेका धनुषा, धादिङ, दाङ, बर्दिया र काठमाडौँका एक/एक जना डिस्चार्ज भएका छन् ।

देशमा कोभिड-१९ बाट हालसम्म संक्रमितको संख्या ६ सय ८२ पुगेको छ । संक्रमितमध्ये पुरुष ६ सय २ जना र महिला ८० जना छन् ।

कोरोना भाइरस (कोभिड-१९) को संक्रमणबाट सोमबार थप एक जनाको मृत्यु भएको पुष्टि भएपछि मृत्यु हुनेको संख्या नेपालमा चार पुगेको छ ।

बारा जिल्ला कलैया नगरपालिका-७ का ती व्यक्तिको कोभिड-१९ को संक्रमणबाट नेशनल मेडिकल कलेज वीरगञ्जमा गत जेठ ४ गते नै निधन भएको हो । यसअघि सिन्धुपाञ्चोक, बाँके र गुल्मीका एक/एक जनाको निधन भएको थियो ।

प्रतिक्रियाहरू

सम्बन्धित सामग्रीहरू