सान्भी ज्वेलर्सले गोर्खाकपमा बांड्दैछ २० पाउण्डको भौचर

लन्डन– बेलायत अल्डरसटस्थित नेपाली व्यवसायीको सुनचांदी पसल सान्भी ज्वेलर्सले आसन्न गोर्खाकपमा ‘गिफ्ट भौचर’ बांड्ने घोषणा गरेको छ ।

सान्भी ज्वेलर्सका सञ्चालक पवित्र केसीले यही २५ मे, २०२५ आइतबार अल्डरसटस्थित क्वीन्स एभिन्यू खेल मैदानमा हुन लागेको २३ औं गोर्खाकपका अवसरमा ग्राहकलाई २० पाउण्डको भौचर दिन लागिएको जनाए ।

आफ्नो स्टलमार्फत बांडिने भौचर लिएर पसल गए हरेक गहनामा २० पाउण्ड छुट पाइने केसीले बताए । ‘यो भौचर हाम्रा प्रिय ग्राहकहरुका लागि मायाको चिनो पनि हो’, केसीले भने। सुनचांदीका गरगहना र बुलियनका लागि प्रख्यात सान्भी ज्वेलर्स अल्डरसटस्थित भिक्टोरिया रोडमा छ ।

केसीले विवाह, व्रतवन्ध, जन्मदिन, पास्नी, प्रमोशन लगायत हरेक खुशीयाली र शुभ कार्यमा आवश्यक पर्ने सुनचांदीका गरगहना बनाइने र ति १०० प्रतिशत शुद्ध हुने बताए ।