विनयको ‘यूके बस्ने माया’ ९ दिनमै १० लाखले हेरे (भिडियो)

अभिनयका लागि न्यू गेटअपमा विनय

लन्डन– लन्डनस्थित युवा व्यवसायी तथा एनआरएनए अभियन्ता विनय अधिकारीको दोश्रो गीत ‘यूके बस्ने माया’ को म्यूजिक भिडियो चर्चित बनेको छ ।

गत बुधबार सार्वजनिक उक्त म्यूजिक भिडियो ९ दिनमै १० लाखले हेरेका हुन् ।

अधिकारीको आफ्नै युट्युब च्यानल ‘विनय अधिकारी’ मा भिडियो उपलव्ध छ ।

भर्खर लन्डन फर्किएका अधिकारीले एक मिलियन भ्यूज पुगेकामा खुशी व्यक्त गर्दै सबै दर्शक, कलाकार एवं शुभचिन्तकप्रति आभार व्यक्त गरेका छन् ।

गीतमा अधिकारीको शब्द र बद्री सापकोटाको 
संगीत छ भने शान्तिश्री परियार र बद्री सापकोटाको स्वर छ ।

विक्रम चौहानले निर्देशन गरेको म्यूजिक भिडियोमा विनय अधिकारी र जुनु गुरुङले अभिनय गरेका छन् ।

अधिकारीको यो दोश्रो गीत हो । यसअघि उनले ‘दुनियाँ लठ्ठै छ’ बोलको गीत दर्शकश्रोतामाझ ल्याएका थिए । पहिलो गीतको म्यूजिक भिडियो सफल भएपछि अधिकारीले दोश्रो गीत आफ्नै शब्दमा तयार पारेका थिए ।

समाजसेवी अधिकारी अचेल गीतसंगीतसहित चलचित्र निर्माणतिर पनि लागेका छन् । अधिकारीले बालगायक अशोक दर्जीको जीवन र सांगीतिक करिअरको उतारचढावमा आधारित फिल्म ‘मनबिनाको धन ठूलो कि धनबिनाको मन’ बनाउने घोषणा गरिसकेका छन् ।

हेरौं भिडियोः