मंगलबार, साउन ८, २०८१
00:02 | ०४:४७

अप्रिल ७ मा प्लमस्टिडमा आरजीएनएसको नेपाली नयाँ वर्ष कार्यक्रम

नेपाली लिङ्क फ्रेब्रवरी २२, २०२४

लन्डन-साउथ इष्ट लन्डनवासी नेपालीहरुको संस्था ‘रोयल बरो अफ ग्रीनवीच नेप्लिज् सोसाइटी’ (आरजीएनएस) ले नेपाली नयाँ वर्ष शुभकामना कार्यक्रम गर्ने भएको छ।

आउंदो अप्रिल ७ तारिख आइतबार प्लमस्टिडस्थित एशिएन कम्युनिटी सेन्टरमा कार्यक्रम हुने भएको हो।

साँझ ५ देखि राती ११ बजेसम्म सञ्चालन हुने कार्यक्रममा विविध सांस्कृतिक एवम् मनोरञ्जनात्मक प्रस्तुतिहरु गरिनेछन्। सो अवसरमा स्थानीय कलाकारका गीत, नृत्य तथा डिजे डान्सबाट मनोरन्जन गराइनेछ। 

कार्यक्रमको संयोजन संस्थाका उपाध्यक्षद्वय सुरोज मास्के र मञ्जु भण्डारीले गर्ने भएका छन्।  

आयोजक आरजीएनएस अध्यक्ष पुण्य रेग्मीले नेपाली नयाँ वर्षको शुभ अवसरमा स्थानीय नेपालीहरुबीच सुखद जमघट र शुभकामना आदानप्रदान गर्नु कार्यक्रमको मुख्य उद्धेश्य रहेको बताए।

कार्यक्रममा स्थानीय अन्य नेपाली संघ संस्थाको पनि सहकार्य र करिब पाँच सय जनाको सहभागिता रहने आयोजकले बताएका छन्।

कार्यक्रममा सहभागी हुन प्रवेश शुल्क १० पाउन्ड लाग्नेछ जसमा डिनर पनि समावेश हुनेछ।  

प्रतिक्रियाहरू

सम्बन्धित सामग्रीहरू