आइतबार, असार १९, २०७९
13:21 | १८:०६

भारतीय प्रधानमन्त्री मोदी लुम्बिनीमा

रासस मे १६, २०२२

प्रधानमन्त्री शेरबहादुर देउवा र उनकी धर्मपत्नी आरजु देउवा सोमबार भारतका प्रधानमन्त्री नरेन्द्र मोदीलाई लुम्बिनीमा स्वागत गर्दै । तस्बिर- रासस

लुम्बिनी- भारतका प्रधानमन्त्री नरेन्द्र मोदी नेपालको औपचारिक भ्रमणको सिलसिलामा सोमबार लुम्बिनी आइपुगेका छन्। भारतीय वायुसेनाको विशेष हेलिकोप्टरबाट ११ सदस्यीय प्रतिनिधिमण्डलको नेतृत्व गर्दै उनी यहाँ आइपुगेका हुन्। 

यहाँस्थित अन्तरराष्ट्रिय बौद्ध प्रार्थना केन्द्र तथा प्रेक्षालय नजिक निर्माण गरिएको हेलिप्याडमा प्रधानमन्त्री शेरबहादुर देउवाले भारतीय समकक्षी मोदीलाई स्वागत गरे। 

भारतका विशिष्ट अतिथिलाई प्रधानमन्त्री देउवाकी धर्मपत्नी डा आरजु राणा देउवा, गृहमन्त्री बालकृष्ण खाण, परराष्ट्रमन्त्री डा नारायण खड्का, भौतिक पूर्वाधार तथा यातायातमन्त्री रेनुकुमारी यादव, संस्कृति, पर्यटन तथा नागरिक उड्डयन मन्त्री प्रेमबहादुर आले, शिक्षा, विज्ञान तथा प्रविधिमन्त्री देवेन्द्र पौडेललगायतले स्वागत गरेका थिए । 

त्यस्तै, लुम्बिनी प्रदेशका मुख्यमन्त्री कुलप्रसाद केसी, नेपाल सरकारका मुख्य सचिव शंकरदास बैरागी, परराष्ट्र सचिव भरतराज पौडेल, भारतका लागि नेपाली राजदूत डा शंकर शर्मा, काठमाडौँस्थित भारतीय राजदूतावासका कार्यवाहक राजदूत नाम्या खम्पालगायतले पनि पनि भारतका विशिष्ट अतिथिलाई स्वागत गरेका थिए।

हेलिकोप्टरबाट ओर्लिएपछि प्रधानमन्त्री मोदीले एकत्रित भएका सर्वसाधारणलाई हात हल्लाएर अभिवादन गरे । उनले मायादेवी मन्दिरमा पूजाअर्चना समेत गरेका छन् । 

प्रतिक्रियाहरू

सम्बन्धित सामग्रीहरू