चलचित्र पत्रकारलाई राहत बाँडिने

काठमाडौं ।  कोरोना भाइरसको संक्रमणका कारण उत्पन्न असहज परिस्थितिमा समस्यामा पर्ने चलचित्र पत्रकारहरुलाई राहत बाँडिने  भएको छ ।   

नेपाल चलचित्र पत्रकार संघले अफ्टेरोमा परेका आफ्ना सदस्यहरुका लागि राहत वितरण गर्ने घोषणा गरेको छ ।  

हालै निर्वाचित संघको नयाँ कार्यसमितिले कन्फरेन्स कलमार्फत बैठक बसेर राहत प्याकेजको निर्णय गरेको हो ।  

बैठकपछि वक्तव्य जारी गर्दै संघका महासचिव समीर बलामीले आफ्ना सदस्य तथा चलचित्र पत्रकारहरुका लागि दैनिक जीवनमा देखिएका समस्याहरुमा सहयोग पुग्ने गरी संघले राहत प्याकेज वितरण गर्ने घोषणा गरेको जनाएका छन्  ।

कार्यसमितिका पदाधिकारीहरुको सहयोगमा श्रमजीवी चलचित्र पत्रकारका लागि राहत वितरण गर्न लागेको बताइएको  छ ।  

सरकारले घोषणा गरेको ‘लकडाउन’ का कारण अहिले चलचित्र  छायांकन, प्रदर्शनदेखि सिनेमा हल समेत पूर्ण रुपमा बन्द छन् । जसकारण कैयौँ प्राविधिक र चलचित्र पत्रकार पनि  समस्यामा परेका छन् ।  

संघले जारी गरेको वक्तव्य माथि: