एनआरएनए माल्टाले वृद्धा र अशक्त २२ जना आमालाई खुवायो दर

माल्टा– नेपाली नारीहरुको प्रमुख चाड हरितालिका तीजको अवसरमा एनआरएनए एनसिसी माल्टाले काठमाडौँस्थित ‘आमा घर’ मा आश्रित वृद्धा र अशक्त २२ जना आमाहरुलाई दर खुवाएको छ ।

आमाहरुलाई स्नेह र सम्मान स्वरूप विशेष भोजन तथा एक–एक थान कपडा प्रदान गरिएको थियो ।

‘परदेशको भूमिबाट सम्झना गर्दै एनआरएनए एनसीसी माल्टाका कार्यसमितिका साथीहरुले सानो योगदानमार्फत उहाँहरूको अनुहारमा झल्किएको मुस्कान देख्न पाउनु हाम्रो लागि अनुपम खुशी र प्रेरणा बनेको छ’, एनआरएनए एनसिसी माल्टाका अध्यक्ष रेमलाल खनाल (रेम्स) ले भने ।

एनआरएनए एनसिसी माल्टाले विगतमा पनि यस्तै सामाजिक कामहरु गर्दै आएको छ ।