बुधबार, मंसिर २२, २०७८
06:41 | १२:२६

बेलायतसंग नेपालको हितबारे छलफल

रासस अक्टोबर २५, २०२१

अर्थमन्त्री जनार्दन शर्मासँग आइतबार मन्त्रालयमा शिष्टाचार भेटवार्ता गर्दै नेपालका लागि बेलायतका राजदूत निकोला पोलिट । तस्बिर सौजन्य- अर्थमन्त्रीको निजीसचिवालय, रासस

काठमाडौं । अर्थमन्त्री जनार्दन शर्मा र नेपालका लागि बेलायती राजदूत निकोला पोलिट बीच शिष्टाचार भेट भएको छ ।

आज मन्त्रालयमा भएको भेटमा द्विपक्षीय हितका साथै नेपालमा जलवायु परिवर्तनको असरबारे छलफल भएको बताइएको छ ।

भेटमा सुदूरपश्चिमसहित देशका विभिन्न स्थानमा भएको बेमौसमी वर्षा तथा बाढीपहिराले पुरयाएको जनधन र पूर्वाधार क्षतिका सम्बन्धमा समेत कुराकानी भएको मन्त्रालयले जनाएको छ ।

उनीहरुबीच पुनःस्थापना, क्षतिपूर्ति र क्षतिग्रस्त पूर्वाधारको निर्माणका लागि आवश्यक सहयोग सम्बन्धमा सकारात्मक कुराकानी भएको छ ।

सो अवसरमा मन्त्री शर्माले अन्तर्राष्ट्रिय विकास साझेदारको ध्यानाकर्षण समेत गराएका थिए ।

यस्तै भेटमा जलवायु परिवर्तनसम्बन्धी संयुक्त राष्ट्रसंघीय सम्मेलन २०२१ (कोप २६) मा जलवायु परिवर्तनका कारण प्रभावित बनेका नेपाल जस्ता देशले क्षतिपूर्ति पाउने गरी प्रभावकारी नीतिगत व्यवस्था हुनुपर्ने विषयमा पनि छलफल भएको थियो ।

प्रतिक्रियाहरू

सम्बन्धित सामग्रीहरू