सोमबार, मंसिर २०, २०७८
09:17 | १५:०२

बेलायतमा एकैदिन १४६ संक्रमितको मृत्यु, पांच महिनायताकै उच्च  

रासस-सिन्ह्वा अगस्ट ११, २०२१

लन्डन–कोरोना महामारीमा थप शक्तिशाली देखिएको ‘इन्डियन भेरिएन्ट’ को संक्रमण बेलायतमा पछिल्ला केही हप्तामा तीव्र बढ्न थालेको छ ।

बेलायती अधिकारीले दिएको जानकारीअनुसार बेलायतमा पाँच महिनापछि सबैभन्दा धेरै नागरिकको कोभिडका कारण निधन भएको छ ।

यहाँ गएको २४ घन्टामा १४६ जनाको संक्रमणबाट निधन भएको छ । यो संख्या गएको मार्चको १२ तारिखपछिकै सबैभन्दा धेरै हो ।

उता अधिकारीले गत हप्ताको तुलनामा कोभिड संक्रमण दुई गुणाले बढेको तथ्यांकले देखाएको बताएका छन् । बेलायती स्वास्थ्य मन्त्रालयले मंगलबारमात्र यहाँ २४ घन्टामा १४६ जनाको कोरोनाका कारण ज्यान गएको बताएको छ ।

यो समेत गरी यहाँ अहिलेसम्म कोरोना भाइरसबाट एक लाख ३० हजारभन्दा बढीको ज्यान गएको छ । यहाँ पछिल्लो समयमा मृत्युको संख्या बढ्न थालेको बताइएको छ ।

कोरोनाविरुद्धको खोपका कारण इन्डियन भेरिएन्टबाट सुरक्षित हुन सतर्कता अपनाउन बेलायत सरकारले भनिरहेको छ । यहाँ संक्रमणको दर पनि बढ्दै गएको देखिएको छ ।

स्वास्थ्य अधिकारीले गएको २४ घन्टामा यहाँ २३ हजारभन्दा बढीमा कोरोनाको संक्रमण देखिएको छ ।

यो समेतगरी अहिलेसम्म यहाँ यो सङ्क्रमणबाट ६१ लाखभन्दा बढी सङ्क्रमित भएका छन् । बेलायत सरकारले कोरोना विरुद्धको खोप कार्यक्रमलाई पनि प्राथमिकतामा राखेको छ ।

प्रतिक्रियाहरू

सम्बन्धित सामग्रीहरू