बिहीबार, साउन १४, २०७८
23:22 | ०४:०७

धादिङ नुवाकोट समाज यूके अध्यक्षमा धनबहादुर तामाङ निर्विरोध निर्वाचित

नेपाली लिङ्क जुन १५, २०२१

लण्डन । धादिङ नुवाकोट समाज यूके अध्यक्षमा धनबहादुर तामाङ निर्विरोध निर्वाचित भएका छन्। 

संस्थाको पाचौं अधिवेशनले पूर्व धुवाकोट गाविस अध्यक्ष, गाविस राष्ट्रिय महासंघका केन्द्रिय कोषाध्यक्ष तथा जिल्लामा विकास र जन प्रेमी मानिने समाजसेवी तामाङलाई निर्वाचित गरेको हो ।  

उपाध्यक्षहरुमा गोलबहादुर तामाङ, मोतिमान बज्राचार्य र शंकरजङ लामा, महासचिवमा बुद्धिबहादुर तामाङ, पदमा तामाङ/ शर्मिला मम्बा, कोषाध्यक्ष शेर पाख्रिन र सहकोषाध्यक्षमा राजु मम्बा निर्विरोध भएको समाजले जनाएको छ । 

त्यसैगरी मनोरन्जन संयोजकमा कृष्ण पाख्रिन, सन्तोक गुरुङ, बिरू गोम्जा, अनिल गुरुङ र मिलन गोम्जा, पेयमा भोक्टेनी सन्तोष तामाङ र परिवार, खाद्यमा सन्त तामाङ, दल ब्लेनथेन (सहायक), मिडिया तथा वेब डिजाइनमा थमु गुरुङ चयन भएका छन्।

क्षेत्रीय प्रतिनिधिमा अल्डरसट र फार्नबोरोका लागि सूर्य थोक्रा र रत्न गुरुङ, लण्डनका लागि राधा गाल्थेन, स्विन्डनका लागि नन्द तामाङ र सपना पाख्रिन, रेडिङका लागि पूर्ण पाख्रिन, कोर्बीका लागि देवान र सुरथा तामाङ तथा लेस्टरका लागि चम्पा र दिपा थापा मगर तथा ननिंगटनका लागि सन्तोक गुरुङ छनोट भएका छन्। 

निर्वाचन समितिमा पूर्व संस्थापक अध्यक्ष नारायण गुरुङ, पूर्व अध्यक्षहरु बम गुरुङ र रामबहादुर गुरुङ तथा सल्लाहकार रामशरण सिम्खडा थिए   

कार्यक्रममा संस्थाका सचिव बुद्धिबहादुर तामाङले स्वागत मन्तब्य दिएका थिए भने सल्लाहकार मेजर रिटायर्ड बिष्णु बहादुर घलेले संस्थालाई कसरी लैजाने भन्नेबारे आफ्नो सल्लाह सुझाव राखेका थिए । 

संस्थाका अध्यक्ष सीबी तामाङले आफ्नो कार्यकालमा सहयोग गर्ने सबैप्रति धन्यबाद दिंदै नयाँ कार्यसमितिलाई शुभकामना र बधाई ज्ञापन गरे ।  

‘भर्चुअल’ रुपमा भएको महाधिवेशनमा प्रगति विवरण र आर्थिक प्रतिवेदन पारित गर्दै आगामी कार्यकालको ‘रोड म्याप’ समेत प्रस्तुत गरिएको थियो ।

प्रतिक्रियाहरू

सम्बन्धित सामग्रीहरू