शुक्रबार, वैशाख १०, २०७८
13:22 | १८:०७

बेलायतको जनगणनामा ‘नेपाली’ लेख्न अपील गर्दै न्यूजलेटर प्रकाशन

नेपाली लिङ्क मार्च २, २०२१


लण्डन । एनआरएनए यूके र सेन्टर फर नेपाल स्टडिज (सिएनएस) यूकेले यही मार्च २१ तारिख बेलायतमा हुन गइरहेको जनगणनामा इथ्निसिटी र मुख्य भाषामा नेपाली लेख्न अपील गरेका छन् ।

एनआरएनए यूके, एनआरएनए इंग्ल्याण्ड र वेल्स राज्यसमितिहरु र सिएनएस यूकेले संयुक्त रुपमा प्रकाशित गरेको न्यूजलेटरमा सो अपील गरिएको हो ।

न्यूजलेटरमा जनगणनाको व्यक्तिगत विवरणका लागि सोधिएको प्रश्न नम्बर १५, ‘इथ्निक ग्रुप’ मा ‘सी’ खण्डमा गई पाँचौँ बाकसमा ‘एनी अदर एसिएन ब्याकग्राउण्ड’ मा टिक लगाई ‘नेपाली’ लेख्न वा कम्प्युटरबाट भर्दा ‘नेपाली’ छान्न अनुरोध गरिएको छ ।

त्यस्तै, प्रश्न नम्बर १८ को मुख्य भाषाको प्रश्नमा ‘अदर’ मा टिक लगाई ‘नेपाली’ लेख्न वा कम्प्युटरमा भर्दा ‘नेपाली’ छान्न अपील गरिएको छ ।

बेलायतमा नेपालीको अलग पहिचान स्थापना गर्न लामो समयदेखि एनआरएनए यूके र सिएनएस यूकेले संयुक्त रुपमा विभिन्न कार्य गर्दै आएको उल्लेख गर्दै न्यूजलेटरमा बेलायतमा हुन लागिरहेको जनगणनालाई अवसरका रुपमा उपयोग गर्न अपील गरिएको छ ।

बेलायतस्थित नेपाली संघसंस्थाहरुलाई प्रचारात्मक चेतनामूलक कार्य गर्न, आफ्ना छरछिमेक, टोलछिमेकमा जनगणनाको फाराम भर्न नसक्नेहरुलाई सहयोग गर्न पनि अपील गरिएको छ ।

न्यूजलेटर पढ्न यहाँ क्लिक गर्नुहोस्

प्रतिक्रियाहरू

सम्बन्धित सामग्रीहरू