बेलायतमा कोरोनाका कारण मर्नेको संख्या ६० हजार नाघ्यो

लन्डन । बेलायतमा कोरोना संक्रमणका कारण ज्यान गुमाउनेको संख्या बिहीबार ६० हजार नाघेको छ । 

पछिल्लो २४ घन्टामा थप ४१४ जना नयाँ संक्रमित थपिएसँगै यहाँ ज्यान गुमाउनेको संख्या ६० हजार ११३ पुगेको हो ।

कोरोनाका कारण ज्यान गुमाउने संख्याको आधारमा बेलायत युरोपियन मुलुकमध्ये अग्रस्थानमा छ ।

यसैगरी बेलायतमा कोरोना संक्रमितको संख्या पनि १६ लाख ७४ हजार नाघेको छ । आज सार्वजनिक तथ्याँक अनुसार पछिल्लो २४ घन्टामा थप १४ हजार ८७९ जनामा कोरोना पुष्टि भएको छ । 

यसैगरी पछिल्लो २४ घन्टामा थप एक हजार ३५० जना कोरोना संक्रमित हस्पिटल भर्ना भएका छन् भने एक हजार ३१५ जनाको भेन्टिलेटर बेडमा उपचार भइरहेको स्वास्थ्य विभागले जनाएको छ । हाल १५ हजार २३६ जनाको हस्पिटलमा उपचार भइरहेको छ ।