प्रधानसेनापति सिग्देल बेलायत प्रस्थान

काठमाडौं । नेपाली सेनाका प्रधानसेनापति महारथी अशोकराज सिग्देल बेलायत प्रस्थान गरेका छन् ।

बेलायती सेनाका चिफ अफ जनरल स्टाफ सर रोली वाकरको निमन्त्रणमा उनी बेलायत प्रस्थान गरेका हुन् ।

उनको बेलायत भ्रमण १९ असोजदेखि २५ गतेसम्म तय छ ।

प्रधानसेनापति सिग्देललाई बलाधिकृत रथी प्रदीप जंग केसीले त्रिभुवन अन्तर्राष्ट्रिय विमानस्थलमा बिदाई गरे ।

यस किसिमको भ्रमणले दुई देशको आपसी सम्बन्ध तथा सैनिक कुटनीतिकमार्फत नेपालको पराष्ट्र नीतिलाई समेत योगदान पुग्ने नेपाली सेनाले बताएको छ।

उनको अनुपस्थितिमा बलाधिकृत रथी केसीले कायम मुकायम प्रधानसेनापतिको जिम्मेवारी सम्हाल्नेछन् ।