तामाङ समाज यूकेले लन्डनमा मनायो २५७० औं बुद्ध जयन्ती

लन्डन । तामाङ समाज यूकेले लन्डनमा २५७० औं बुद्ध जयन्ती मनाएको छ ।

बुद्ध पूर्णिमाको अवसर पारेर गत आइतबार बीसीसी यूके लन्डन ब्रान्च (वेष्ट लन्डन अक्सब्रीज) गुम्बामा समारोह भएको हो ।

समाजका नवनियुक्त अध्यक्ष सुरेश वाइवाको अध्यक्षतामा भएको उक्त कार्यक्रममा ६ जना लामाहरु खेन्पो थुप्तेन धोन्दुप, खेन्पो काल्साङ दोर्जे, लोपेन फुर्बा तेन्जिन, लोपेन दीपेन, लामा कर्पो र मिङ्मार तामाङले पूजापाठ तथा बुद्ध सम्बन्धी प्रवचन दिएका थिए ।

अध्यक्ष सुरेश वाइवाको नेतृत्व आएपछि समाजको यो पहिलो सार्वजनिक कार्यक्रम थियो ।

कार्यक्रममा अध्यक्ष वाइवाले २५७० औं बुद्ध जयन्तीको शुभकामना दिंदै गुरु लामाहरु, सहयोगदाता, स्वयंसेवकहरु लगायत उपस्थित सबैप्रति आभार व्यक्त गरे ।

बिहान ११ देखि अपरान्ह ५ बजेसम्म भएको उक्त समारोहमा करिब डेढ सय जना सहभागी थिए ।

अध्यक्ष सुरेश वाइवा