आइतबार, २२ नोभेम्बर, २०२६
14:38 | २०:२३

ब्रिटिश सेनाको मुख्यालयमा प्रधानसेनापति सिग्देललाई औपचारिक स्वागत

नेपाली लिङ्क अक्टोबर ७, २०२६

लन्डन– बेलायती सेना प्रमुख जनरल सर रोली वाकरले नेपाली सेनाका प्रधानसेनापति महारथी अशोक राज सिग्देललाई बुधबार एन्डोभरस्थित ब्रिटिश सेनाको मुख्यालयमा औपचारिक स्वागत गरेका छन् ।

नेपाली सेनाको जनसम्पर्क तथा सूचना निर्देशनालय अनुसार, प्रधान सेनापति सिग्देल र बेलायती सेनाका चिफ अफ द जनरल स्टाफबीच आज भएको भेटमा आपसी हित र नेपाल बेलायत सैनिक सम्बन्धबारे कुराकानी भएको छ ।

‘उक्त भेटघाटले बेलायत र नेपालबीच घनिष्ठ र लामो समयदेखिको रक्षा साझेदारीलाई प्रतिबिम्बित गरेको छ जुन साझा इतिहास, पारस्परिक सम्मान र ब्रिटिश सेना र नेपाली सेनाबीचको निरन्तर सहयोगमा बनेको थियो’- ब्रिटिश सेनाले जनाएको छ।

जनरल वाकरले बेलायती सेनामा गोर्खाहरूले खेलेको महत्त्वपूर्ण भूमिकाका लागि प्रशंसा समेत गरेका छन् ।

यसअघि प्रधान सेनापति सिग्देलले विभिन्न उच्च सैनिक अधिकारीहरूसँग भेटवार्ता गरेका थिए ।

त्यस्तै उनले लन्डनस्थित ह्वाइटहलको हर्स गार्ड्स एभेन्यूमा अवस्थित ऐतिहासिक गोर्खा सैनिक स्मारक पुगेर पुष्पगुच्छासहित श्रद्धाञ्जली अर्पण गरेका थिए।

वाकरको निमन्त्रणामा प्रधानसेनापति सिग्देल १९ असोजदेखि २५ गतेसम्म बेलायतको औपचारिक भ्रमणमा छन् ।

सिग्देलको बेलायत भ्रमणले दुई देशको आपसी सम्बन्ध तथा सैनिक कूटनीतिकमार्फत नेपालको पराष्ट्र नीतिलाई समेत योगदान पुग्ने नेपाली सेनाको विश्वास छ।

प्रतिक्रियाहरू

सम्बन्धित सामग्रीहरू