शनिबार, साउन १२, २०८१
![](https://www.nepalilink.com/wp-content/uploads/2024/02/horizontal.gif)
![](https://www.nepalilink.com/wp-content/uploads/2020/04/anugraha_810.gif)
नेपाली लिङ्क
मे १०, २०२४
-दुर्गाप्रसाद पोख्रेल
म पूर्व मेची दगुरेर धाउँदा
फर्केर कालीसँग गीत गाउँदा
स्वदेश रम्ने मुटु देख्न पाइयो
भने मलाई किन स्वर्ग चाहियो ? ।१।
हिमाल बोकी सुर-गीत गाइयो
पहाडका सन्मुख प्रीत लाइयो
मधेशमा भोज भतेर खाइयो
भने मलाई किन स्वर्ग चाहियो ? ।२।
थुपुक्क आइन् जब हात फैलिए
मुसुक्क हाँसिन् र गुलाब फक्रिए
अगाध माया मुटु भित्र पाइयो
भने मलाई किन स्वर्ग चाहियो ? ।३।
कि कल्पनाको घरमा रमाइयो
कि सिर्जनाको करमा समाइयो
कि भावनाको मुख चुम्न पाइयो
भने मलाई किन स्वर्ग चाहियो ? ।४।
काठमाण्डौं, २०५३
(कवि पोखरेल हाल लन्डनमा बसोबास गर्छन्)
सम्बन्धित सामग्रीहरू
हाम्रो सिफारिस
ताजा अपडेट्स
ट्रेन्डिङ