लन्डन। बेलायतमा वर्षेनी हुंदै आएको माया सुपर सिक्स क्रिकेटको तेस्रो संस्करण आइतबार लन्डनमा हुँदैछ।
अघिल्ला दुई संस्करणको सफलतापछि हुन लागेको तेस्रो संस्करणको लागि सम्पूर्ण पूरा तयारी भएको आयोजकद्वय म्यानी गुरुङ र विधानराज गिरीले बताए।
सुपर सिक्स लिग खेल्न ओभरसिज खेलाडीका रुपमा दिनेश खरेल लण्डन आइपुगेका छन्। न्युजिल्यान्डको अक्ल्यान्डबाट आएका नेपाली मुलका खरेलले हिमालय क्रिकेट क्लबको प्रतिनिधित्व गर्दै खेल्दैछन्।
प्रतियोगितामा ६ टिमले प्रतिष्पर्धा गर्नेछन्। सल्सबरीस्थित टिडवर्थ क्रिकेट ग्राउन्डमा पहिलो खेल बिहान ९.३० मा सञ्चालन हुने र सोही दिन नै सकिने संयोजक म्यानी गुरुङले जानकारी दिए ।
गोर्खा टाइगर्स लेस्टर क्रिकेट क्लब, रमाइलो क्रिकेट क्लब, हिमालयन क्रिकेट क्लब, हिमालयन ब्वाइज, खुकुरी क्रिकेट क्लब र वीन्चेस्टर नेपाली क्रिकेट क्लब गरि ६ वटा टिमले प्रतिस्पर्धा गर्नेछन् ।
खेलमा विजेता र उपविजेतालाई नगद पुरस्कार र ट्रफी हस्तान्तरण गर्ने आयोजकले बताएका छन्। खेलमा उत्कृष्ट प्रदर्शन गर्ने खेलाडीलाई पनि विशेष पुरस्कार व्यवस्था छ ।
आयोजकले क्रिकेटमार्फत नेपालीबीचको आत्मीयता थप उजागर हुनुका साथै नेपाली क्रिकेटलाई पनि सहयोग पुग्ने विश्वास लिएका छन्।
क्रिकेट प्रतियोगिताको मुख्य प्रायोजक माया सपोर्टेड लिभिङ छ भने प्रायोजनमा अवतार डाइनिङ र वल्ड रेमिट छन् ।
आयोजकका तर्फबाट म्यानी गुरुङले लन्डन, आसपास र वील्सायरका सम्पूर्ण खेल प्रेमीलाई उपस्थित भइ खेलाडीलाई हौसला प्रदान गर्न आग्रह गरेका छन्।
सम्बन्धित सामग्रीहरू
हाम्रो सिफारिस
- १
- २
- ३
- ४
- ५