मंगलबार, साउन ८, २०८१
23:57 | ०४:४२

शताब्दी पुरूष जोशीको स्वास्थ्य अवस्था चिन्ताजनक

रासस अक्टोबर १४, २०२२

वाङ्मय शताब्दी पुरूष सत्यमोहन जोशी । फाइल तस्बिर

काठमाडौं । वाङ्मय शताब्दी पुरूष सत्यमोहन जोशीको स्वास्थ्य अवस्था चिन्ताजनक छ । किष्ट अस्पतालमा १८ दिनदेखि उपचाररत् एक सय तीन वर्षीय जोशीको स्वास्थ्यमा उल्लेखनीय सुधार नभएको अस्पतालले जनाएको छ ।

अस्पतालले आज विज्ञप्ति जारी गरी जोशीलाई पहिल्यैदेखि पुरानो रोगले ग्रसित पारेका कारण जतिसुकै औषधि चलाए पनि सुधार नभएको जनाएको छ ।

लामो समयदेखि प्रोस्टेट तथा मुटुको समस्याबाट पीडित जोशीमा कमजोरी देखिएपछि असोज ७ गते इमर्जेन्सीमा भर्ना गरी उपचार सुरू गरिएको थियो ।

परीक्षण गर्दा डेंगु संक्रमण, छातीमा निमोनियाको संक्रमणका साथै मुटुको चालसम्बन्धी समस्या देखिएको र अक्सिजन स्याचुरेसन लेभल कम भएर सघन उपचार कक्षमा सिफ्ट गरी उपचार सेवा दिइँदै आएको अस्पतालले जनाएको छ ।

प्रतिक्रियाहरू

सम्बन्धित सामग्रीहरू