आइतबार, असार १९, २०७९
12:05 | १६:५०

गौतमबुद्ध विमानस्थल उद्घाटन, शुरु भयो अन्तरराष्ट्रिय उडान

रासस मे १६, २०२२

अन्तरर्राष्ट्रिय गौतमबुद्ध विमानस्थलमा सोमबार पहिलोपटक अवतरण गरेको जजिरा एअरलाइन्सको जहाज । तस्वीर- निरा गौतम, रासस

भैरहवा- भैरहवास्थित गौतमबुद्ध अन्तर्राष्ट्रिय विमानस्थलबाट अन्तर्राष्ट्रिय उडान सुरु भएको छ ।

सोमबार बिहान ७ बजे पहिलोपटक अन्तर्राष्ट्रिय जजिरा एयरलाइन्सको जहाज विमानस्थलमा अवतरण गरेको हो । २५६६ औँ बुद्धजयन्तीको अवसर पारेर कुवेतबाट १७८ यात्रु बोकेर न्यारोबडी जहाजले उडान भरेको हो। 

जहाजलाई विमानस्थलमा पानीका फोहोरासहित स्वागत गरिएको थियो। 

प्रधानमन्त्री शेरबहादुर देउवा र संस्कृति, पर्यटन तथा नागरिक उडडयनमन्त्री प्रेमबहादुर आले संयुक्तरुपमा सोमबार अन्तरर्राष्ट्रिय गौतमबुद्ध विमानस्थलको उदघाटन गर्दै । तस्वीर- निरा गौतम, रासस

गौतमबुद्ध अन्तर्राष्ट्रिय विमानस्थलको आजै प्रधानमन्त्री शेरबहादुर देउवाले उद्घाटन गरेका छन्।

जजिराले भोलि बिहान २:३० बजेको समयमा नेपालबाट यात्रु बोकी कुवेतका लागि उडान भर्ने योजना रहेको नेपाल नागरिक उड्डयन प्राधिकरणले जनाएको छ। 

उद्योग वाणिज्य संघ सिद्धार्थनगरको पर्यटन विभाग प्रमुख सञ्जय बजिमयका अनुसार साताको तीन दिन (सोमबार, बुधबार र शुक्रबार) नियमित उडान भर्ने गरी प्रक्रिया अगाडि बढेको छ । आफ्नो ट्राभलले भैरहवाबाट जाने ३० यात्रुको बुकिङ गरिसकेको उनले बताए । पुरानो विमानस्थलमा अहिले दैनिक २४ जहाजले आन्तरिक उडान भर्छन्। 

एउटा मात्र रनवेका कारण ट्राफिक चाप हुने गरेकाले चाप व्यवस्थापन गर्न अन्तर्राष्ट्रिय विमानको उडानलाई रातिको समयमा राखिएको उक्त अन्तर्राष्ट्रिय विमानस्थलका महाप्रबन्धक गोविन्द दाहालले बताए।

प्रतिक्रियाहरू

सम्बन्धित सामग्रीहरू