शनिबार, असोज ३०, २०७८
07:48 | १२:३३

फेवातालको सरसफाइमा जुटे पोखरेली युवा 

रासस फ्रेब्रवरी २०, २०२१

युवा सङघ नेपाल पोखरा महानगरपालिका – ६ द्वारा शनिवार फेवातालको बाराही घाटमा आयोजित सरसफाइ कार्यक्रम । तस्वीर- हरि बास्तोला, रासस

पोखरा–युवा सङ्घ नेपाल वडा कमिटी पोखरा–६ लेकसाइडले फेवातालस्थित बाराहीघाटमा बृहत् सरसफाइ कार्यक्रम आयोजना गरेको छ । ‘आज नगरे कहिले गर्ने, हामीले नगरे कसले गर्ने र यहाँ नगरे कहाँ गर्ने’ भन्ने मुख्य उद्देश्यका साथ आयोजना गरिएको कार्यक्रममा सङ्घमा आबद्ध पदाधिकारी तथा सदस्य, आमा समूह, डुङ्गा व्यवसायी समितिको सहभागिता थियो ।
बयालिस वर्षअघि निर्माण गरिएको फेवाबाँध मर्मतका लागि पानीको सतह घटेपछि तालको किनारामा देखिएको फोहर सङ्कलन गरी आवश्यक व्यवस्थापन गरिएको थियो ।
युवा सङ्घ नेपालका पूर्वअध्यक्ष एवं गण्डकी प्रदेशसभा सदस्य राजीव पहारीले बाराही घाटमा फोटो उठाएर कार्यक्रमको शुभारम्भ गर्दै प्राकृतिक स्रोतसाधनको संरक्षण र उपयोगका युवाशक्तिको सक्रियता भूमिका हुनुपर्ने बताए । ‘हाम्रा पुर्खाले हामीलाई बुझाएको फेवाताल भावी पुस्तालाई बुझाउनु अपरिहार्य छ’, उनले भने, ‘त्यसका लागि युवा शक्ति सङ्गठित भएर अघि बढ्नुको विकल्प छैन ।’
पानीको सतह सुकेको वर्तमान अवस्थामा ताल अतिक्रमणबाट जोगाउनुका साथै सरसफाइ कार्यक्रमलाई पनि निरन्तरता दिनुपर्नेमा उनको जोड थियो ।
कार्यक्रम संयोजक सञ्जिव पहारी, सङ्घका अध्यक्ष आविष्कार तिमिल्सिनालगायतले तालसँग धेरैको भविष्य जोडिएको हुँदा यसको संरक्षण, सम्वद्र्धन र सरसफाइमा सबैको साथ र सहयोग आवश्यक रहने बताए ।
प्रतिक्रियाहरू

सम्बन्धित सामग्रीहरू