डा केसीको बिग्रिंदो स्वास्थ्यबारे यूकेका नेपाली डाक्टरहरुले पोखे चिन्ता

लन्डन । मेडिकल शिक्षा प्रणालीमा सुधारको माग गर्दै १९ औं आमरण अनसनमा बसेका डा गोविन्द केसीको बिग्रिंदो स्वास्थ्यअवस्थाबारे बेलायतमा कार्यरत नेपाली डाक्टरहरुले चिन्ता व्यक्त गरेका छन् ।  

नेप्लिज डक्टर्स एशोसिएसन (एनडिए) यूकेका तर्फबाट बुधबार एक वक्तव्य जारी गर्दै उनीहरुले डा. केसीको स्वास्थ्य रक्षाको सुनिश्चितता गर्न नेपाल सरकारलाई आग्रह समेत गरेका छन्    ।  

एशोसिएसनका अध्यक्ष डा रमेश खोजुद्वारा जारी वक्तव्यमा ‘नेपालमा स्वास्थ्य शिक्षा र प्रशिक्षणका साथै  ग्रामीण क्षेत्रमा स्वास्थ्य सुविधाहरुको क्षेत्रमा सुधारको माग गर्दै भोक हड्तालमा बस्नुभएका वरिष्ठ अर्थोपेडिक सर्जन डा गोविन्द केसीको बिग्रिंदै गएको स्वास्थ्य अवस्थाबारे एनडिए यूके गम्भीर चासो व्यक्त गर्दछ’ भनिएको छ ।  

एशोसिएसनले समस्या समाधानका लागि नेपाल सरकारबाट तत्काल वार्ता समिति गठनको समर्थनमा नेप्लिज मेडिकल एशोसिएसन (एनएमए) सँग ऐक्यबद्धता जाहेर गरेको छ ।  

डा. केसीको स्वास्थ्यलाई गम्भीरताका साथ लिन र सकेसम्म छिटो सौहार्दपूर्ण समाधानको पहल गर्न पनि नेपाल सरकारलाई आग्रह गरिएको छ । 

एनडिए यूकेको वक्तव्य: