आइतबार, मंसिर २१, २०७७
00:36 | ०६:२१

नेपालमा थप २ सय १३ जनामा कोरोना संक्रमण

नेपाली लिङ्क जुन ७, २०२०

काठमाडौं । नेपालमा कोरोना भाइरसबाट संक्रमित हुनेको संख्या ३ हजार ४ सय ४८ पुगेको छ । आज थप २ सय १३ जनामा  संक्रमण भएको स्वास्थ्य मन्त्रालयको पत्रकार सम्मेलनमा मन्त्रालयका प्रवक्ता डा. विकास देवकोटाले जानकारी दिएका छन् ।

थप संक्रमित हुनेहरुमा २०९ जना पुरूष र चारजना महिला छन् । आज दुई महिलासहित १ सय दुईजना डिस्चार्ज भएका छन् ।

हालसम्म नेपालमा कुल डिस्चार्ज हुनेको संख्या ४ सय ६७ छ । अहिलेसम्म संक्रमितहुने जिल्लाको संख्या ७१ पुगेको छ । अहिलेसम्म कोरोनाका कारण नेपालमा १३ जनाको ज्यान गइसकेको छ ।

विगत ७६ दिनदेखि नियमित पत्रकार सम्मेलन दिंदै आएका मन्त्रालयका प्रवक्ता डा. विकास देवकोटाको आजको अन्तिम पत्रकार सम्मेलन हुनेछ  ।

भोलिबाट उनको ठाउँमा डा जागेश्वर गौतम प्रवक्ताको रुपमा रहने देवकोटाले जानकारी दिएका छन् । देवकोटाले भने गुणस्तर मापन महाशाखाको जिम्मेवारी पाएका छन्  ।

प्रतिक्रियाहरू

सम्बन्धित सामग्रीहरू