शनिबार, मंसिर १३, २०७७
05:10 | १०:५५

बाँकेमा क्वारेन्टिनमा बसेका युवकको मृत्यु

रासस मे १७, २०२०

बाँके ।  बाँकेको नरैनापुर गाउँपालिकास्थित क्वारेन्टिनमा बसेका एक युवकको आइतबार मृत्यु भएको छ ।

गत वैशाख ३० मा भारतको मुम्बईबाट आएर क्वारेन्टिनमा रहेका २५ वर्षीय युवकको बिहान अचानक स्वास्थ्यावस्था असामान्य भएपछि क्वारेन्टिनमै मृत्यु भएको गाउँपालिका नरैनापुरका स्वास्थ्य शाखा संयोजक मोइन खानले बताए   

उनका अनुसार बिरामीलाई उपचारका लागि अस्पताल लैजान एम्बुलेन्स बोलाइए पनि एम्बुलेन्स पुग्नुअगावै युवककोे मृत्यु भएको थियो । क्वारेन्टिनमा बसेका युवकको मृत्यु भएपछि नरैनापुरवासी त्रसित हुन पुगेका छन् । 

जिल्ला जनस्वास्थ्य कार्यालय बाँकेका फोकल पर्सन नरेश श्रेष्ठले रातिदेखि स्वास्थ्यमा समस्या देखिएकामा बिहान करिब ६ बजे युवकको मृत्यु भएको जानकारी दिए।

कोरोना परीक्षणका लागि मृतक युवकको स्वाब शनिबार नै संकलन  गरिसकिएकाले आइतबार  नै रिपोर्ट आउने उनको भनाइ छ । 

प्रतिक्रियाहरू

सम्बन्धित सामग्रीहरू