बिहीबार, वैशाख ९, २०७८
00:51 | ०५:३६

नेकपा सचिवालयले दियो नीति तथा कार्यक्रमबारे सुझाव

रासस मे १५, २०२०

काठमाडौं  नेपाल कम्युनिस्ट पार्टी (नेकपा) को सचिवालय बैठकले सरकारलाई आगामी आर्थिक वर्ष २०७७-७८ का लागि नीति तथा कार्यक्रममा सुझाव दिएको छ । 

शुक्रबार प्रधानमन्त्री निवास बालुवाटारमा बसेको सो बैठकमा सचिवालय सदस्यले सो कार्यक्रमका केही विषयमा महत्वपूर्ण सुझाव दिने काम भएको पार्टी प्रवक्ता नारायणकाजी श्रेष्ठले जानकारी दिए   

राष्ट्रपति भण्डारीले अपराह्न ४ बजे संसद्को दुवै सदनमा सरकारको नीति तथा कार्यक्रम प्रस्तुत गर्ने कार्यक्रम छ ।  

‘बैठकमा पार्टीका अध्यक्ष तथा प्रधानमन्त्री केपी शर्मा ओलीले सरकारको नीति तथा कार्यक्रमका सन्दर्भमा केही महत्वपूर्ण सुझाव छन् भने  दिन सकिन्छ भनेर सचिवालय बैठकमा रहेका सदस्यलाई अनुरोध गर्नुभयो’, बैठकपछि सञ्चारकर्मीसँग प्रवक्ता श्रेष्ठले भने, ‘नीति तथा कार्यक्रमका बारेमा केही विषयमा महत्वपूर्ण सुझाव दिने काम भएको छ ।’

उनले बैठकमा स्थायी कमिटी बैठकबारे भने नीति तथा कार्यक्रमपछि बस्ने सचिवालय बैठकमा छलफल हुने बताए । 

प्रतिक्रियाहरू

सम्बन्धित सामग्रीहरू