शुक्रबार, कार्तिक १४, २०७७
22:50 | ०४:३५

रोल्पामा बम विस्फोट हुँदा चार बालबालिकाको मृत्यु

रासस अप्रिल ३०, २०२०

फाइल तस्विरमा रोल्पाको त्रिवेणी गाउँपालिका–७ गैरीगाउँ, जहाँ विहीबार अपराह्न भएको बम विस्फोटमा चार बालबालिकाले ज्यान गुमाएका छन् ।

रोल्पा । रोल्पाको त्रिवेणी गाउँपालिका–७ गैरीगाउँमा विहीबार अपराह्न भएको बम विस्फोटमा परी चार बालबालिकाले ज्यान गुमाएका छन् ।

गाउँदेखि केही टाढाको खोलामा बमको ठूलो आवाज आएपछि स्थानीयवासी हेर्न गएका थिए ।

उक्त बम विस्फोटमा परी चार बालबालिकाको घटनास्थलमै ज्यान गएको त्रिवेणी–२ का वडाध्यक्ष कविराज बुढाले जानकारी दिए । मृत्यु हुनेमा सातदेखि ११ वर्ष उमेरका तीन बालक र एक बालिका रहेको उनले बताए ।

घटनास्थलमा बम पनि रहेकाले डिस्फोजका लागि दहवनस्थित नेपाली सेनाको टोली घटनास्थलतर्फ आउँदै गरेको वडाध्यक्ष बुढाले जानकारी दिए । घटना भएको प्रहरीले पुष्टी गरेको छ ।

घटना भएको जानकारी पाउने बित्तिकै प्रहरी टोली घटनास्थल पुगिसकेको जिल्ला प्रहरी कार्यालयका प्रहरी नायब उपरीक्षक चित्रबहादुर गुरुङले बताए ।

के कति कारणले घटना भयो केही समयपछि थाहा हुने उनले जानकारी दिए ।

प्रतिक्रियाहरू

सम्बन्धित सामग्रीहरू