बुधबार, कार्तिक १२, २०७७
02:19 | ०८:०४

कोरोना भाइरसका कारण बेलायतमा १६ नेपालीको मृत्यु

नेपाली लिङ्क अप्रिल १७, २०२०

कोरोना भाइरसका कारण शुक्रबारसम्म १६ जना नेपालीको मृत्यु भइसकेको लन्डनस्थित नेपाली दूतावासले जनाएको छ ।

लण्डन । कोरोना भाइरसका कारण बेलायतमा शुक्रबारसम्म १६ जना नेपालीको मृत्यु भइसकेको लन्डनस्थित नेपाली दूतावासले जनाएको छ ।

दूतावासका उपनियोग प्रमुख शरदराज आरनका अनुसार, मृत्यु हुनेमा अधिकांश भूतपूर्व ब्रिटिस गोर्खा सैनिक छन् ।

त्यसैगरी, दूतावासको जानकारीमा अहिलेसम्म बेलायतभरमा करिब १५ जना नेपाली कोरोनाको संक्रमणपछि निको भएर घर फर्किएका छन् ।

अहिले अस्पतालमै भर्ना भएर उपचार गराइरहेका ७ जना तथा संक्रमणको आशंकामा घरमै आइसोलेसनमा बसेकाहरु झण्डै ४० जना रहेको पनि उपनियोग प्रमुख आरनले बताए ।

दूतावासले सबैलाई सतर्क रहन र अत्यावश्यक काम बाहेक अरु बेला घरैमा बसेर संक्रमण नियन्त्रणमा सघाउन आग्रह गरेको छ ।

बेलायतमा आपतविपत खेपेका नेपालीको सहयोगार्थ यहाँ पहल पनि भएको छ ।

नेपाली दूतावास, एनआरएनए यूके, मर्जिङ नेपसक्स, बन्टोक नेपाली समाज लगायत सामाजिक तथा जातीय संघसंस्थाले प्रकोपका कारण समस्यामा परेका नेपालीलाई सहयोग गरिरहेका छन् ।

प्रतिक्रियाहरू

सम्बन्धित सामग्रीहरू