शुक्रबार, चैत १६, २०८०
07:46 | १३:३१

क्याप्टेन टम मोरको सम्मानमा बेलायतभर ताली बजाइँदै

प्रधानमन्त्रीले गरे ‘क्ल्याप् फर क्याप्टेन मोर’ को अपील

नेपाली लिङ्क फ्रेब्रवरी ३, २०२१

फोटो बीबीसी

लन्डन । कोरोना संक्रमणका कारण निधन भएका एक सय वर्षीय क्याप्टेन टम मोरको स्‍मृतिमा बुधबार साँझ बेलायतमा ताली बजाएर सम्मान गरिने भएको छ ।  

प्रधानमन्त्री बोरिस जोन्सनले ‘क्ल्याप फोर क्याप्टेन टम मोर’ को अपील गर्दै महामारीका बेला एनएचएस र स्वास्थ्यकर्मीको मनोबल उच्च पार्ने टमप्रति श्रद्धा व्यक्त गर्न देशवासीलाई आव्हान गरेका छन्  

दोस्रो विश्वयुद्धका भेटेरान टम मोरले गतवर्ष कोरोना महामारीका बखत आफ्नै बगैचामा एक सय पाइला हिंडेर नेशनल हेल्थ सर्भिस (एनएचएस) का लागि झन्डै ३३ मिलियन पाउण्ड संकलन गरेका थिए ।

निमोनियाको उपचार गराइरहेका क्याप्टेन  मोरलाई कोरोना पोजिटिभ र श्वासप्रश्वासमा समस्या देखिएपछि आइतबार बेडफोर्ड अस्पताल भर्ना गरिएको थियो ।

निमोनियाको औषधिका कारण कोरोना विरुद्धको खोप लगाउनबाट समेत बन्चित भएका मोरको मंगलबार कोरोनाकै कारण निधन भएको थियो । उनको निधनमा बेलायती महारानीले समेत श्रद्धान्जली व्यक्त गरेकी छन् ।

बेलायती प्रधानमन्त्री बोरिस जोन्सनले टम मोर विश्वकै महान हिरो भन्दै प्रधानमन्त्री कार्यालयको झण्डा आधा झुकाइएको थियो ।

प्रतिक्रियाहरू

सम्बन्धित सामग्रीहरू