शुक्रबार, मंसिर १२, २०७७
02:54 | ०८:३९

बेलायतका नेपाली इन्जिनियरले चुने नयाँ कार्यसमिति

नेपाली लिङ्क अगस्ट ३०, २०२०

लण्डन । बेलायतमा रहेका नेपाली इन्जिनियरहरुको संस्था ‘सोसाइटी अफ नेप्लिज इन्जिनियर्स इन युके’ को चौथो कार्यसमिति गठन भएको छ ।

संस्थाले पहिलोपटक निर्वाचनमार्फत नयाँ कार्यसमिति चयन गरेको हो जसमा कुल २४१ जनाले आफ्नो मताधिकार प्रयोग गरे । बिधुतीय निर्वाचन प्रणालीमार्फत १५८ मत सहित संयुक्त श्रेष्ठ अध्यक्ष निर्वाचित भएका छन् ।उनका प्रतिद्वन्द्वी सुबोध तिमिल्सिनाले केहि मतले पछि परे ।

त्यसैगरि उपाध्यक्षमा नारद भण्डारी (निर्विरोध), महासचिवमा डा. बिदुर घिमिरे (१०५ मत), सचिवमा डा. रोशन भट्टराई (१८१ मत) र कोषाध्यक्षमा श्रीमती रश्मी सिंह राणा (निर्विरोध) निर्वाचित भएका छन् । 

त्यसैगरि चार जना सदस्यमा हरि नेपाल, सुश्री मेघा पौडेल, सुश्री प्रियंका रेग्मी र विशाल राना निर्वाचित भए । नयाँ कार्यसमितिको कार्यकाल २ वर्ष रहने छ।

जुम प्रविधि प्रयोग गरि भएको उक्त अधिवेशनमा संस्थाको वार्षिक प्रतिवेदन प्रस्तुत गरि परिमार्जित विधान समेत पारित भएको छ। 

संस्थाका निवर्तमान अध्यक्ष शैलेन्द्र काजी श्रेष्ठको अध्यक्षता र निवर्तमान महासचिव उमेश पराजुलीको सह-संचालनमा बिहान १० बजे देखि सुरु भएको बैठक निर्वाचन परिणाम घोषणा गरेर दिउँसो ३.३० मा सम्पन्न भएको थियो।

संस्थामा बेलायतमा छरिएर रहेका २४२ नेपाली इन्जिनियर सदस्य छन्।

प्रतिक्रियाहरू

सम्बन्धित सामग्रीहरू