शनिबार, माघ १४, २०७९
04:54 | १०:३९

कुरान च्यातेको आरोपमा डच राजदूतसंग स्पष्टीकरण

रासस–सिन्ह्वा जनवरी २४, २०२३

प्रतिकात्मक तस्बिर

अङ्कारा, १० माघ–टर्कीको विदेश मन्त्रालयले मङ्गलबार कुरानको पाना च्यातेको आरोपमा चरम दक्षिणपन्थी नेदरल्याण्डका राजनीतिज्ञको ‘घृणित कार्य’ को विरोध स्वरूप अङ्काराका लागि डच राजदूतलाई बोलाएको छ।

मन्त्रालयले जोप विजनान्ड्सलाई “घृणित कार्यको विरोध गर्न बोलाएको छ र नेदरल्याण्ड्सलाई त्यस्ता उत्तेजक कार्यहरू गर्न अनुमति नदिन माग गरेको छ,“ मन्त्रालयले विज्ञप्तिमा भनेको छ ।

‘हाम्रो पवित्र ग्रन्थ कुरानलाई निशाना बनाउँदै जनवरी २२ मा नेदरल्याण्डको हेगमा एक इस्लाम विरोधी व्यक्तिले गरेको घीनलाग्दो आक्रमणको हामी कडा शब्दमा निन्दा गर्दछौं,’ विज्ञप्तिमा भनिएको छ ।

‘यस्तो घृणित कार्य इस्लामोफोबिया, भेदभाव र जेनोफोबियाको युरोपमा कुनै सीमा छैन’, विज्ञप्तिमा उल्लेख छ ।

टर्किएले डच अधिकारीहरूले घटनाका दोषी विरुद्ध आवश्यक कारबाही गर्ने र त्यस्ता घटनाको पुनरावृत्ति रोक्न ठोस उपायहरू लागू गर्ने अपेक्षा गरेको छ ।

सामाजिक सञ्जालमा पोष्ट गरिएको भिडियोमा अति दक्षिणपन्थी समूह, देशभक्त युरोपियन अगेन्स्ट द इस्लामाइजेसन अफ द वेस्टका नेता एडविन वागेन्सवेल्डले हेगमा कुरानको पाना च्यातिएको देखाइएको छ।

यो घटना स्वीडिश–डेनिस दक्षिणपन्थी कट्टरपन्थी, रासमुस पालुदानले शनिबार स्टकहोममा टर्की दूतावास अगाडि कुरान जलाएपछि भएको हो । यस विषयमा टर्किएबाट कडा प्रतिक्रिया आएको छ ।

प्रतिक्रियाहरू

सम्बन्धित सामग्रीहरू